I Kristian

I Xristian
alm. Christian‎
Danimarka kralı
Əvvəlki	Bavariyalı Xristofor
Sonrakı	I Con
Norveç kralı
Əvvəlki	VIII Çarlz
Sonrakı	I Con
İsveç kralı
Əvvəlki	VIII Çarlz
Sonrakı	VIII Çarlz
Şəxsi məlumatlar
Doğum tarixi	fevral 1426[1]
Doğum yeri	Oldenburq
Vəfat tarixi	21 may 1481[2] (55 yaşında)
Vəfat yeri	Kopenhagen, Danimarka krallığı
Fəaliyyəti	monarx
Atası	Oldenburqlu Ditrix
Anası	Helvik Holşteyn
Həyat yoldaşı	Brandenburqlu Doroteya
Uşaqları	I Con Danimarkalı Marqarita I Fridrix
Ailəsi	Oldenburqlar
Dini	Roma-Katolik kilsəsi
Vikianbarda əlaqəli mediafayllar

I Xristian (ing. Christian I of Denmark) (d. fevral 1426 – ö. 21 may 1481) — Danimarka, Norveç və İsveçi özündə birləşdirən Kalmar birliyinin kralı. Oldenburq sülaləsindən yetişən ilk monarxdır.

Bavariyalı Xristoforun geridə vəliəhd qoymadan ölümündən sonra (1448) yaranan boşluqdan istifadə edən VIII Çarlz İsveç krallığını ələ keçirdi və Kalmar birliyini İsveç rəhbərliyində yenidən canlandırmaq istədi. Ertəsi il Norveç krallığını da özünə tabe edən VIII Çarlzın hədəfində Danimarka səltənəti idi. Ancaq Holşteyn qraflarının da təzyiqi ilə Danimarka Gizli Məclisi Xristianı Danimarka taxtına çıxardı. Daha sonra onun Norveç (1450) və İsveç (1457) səltənətlərini də əlinə alması nəticəsində Kalmar birliyi qısa müddətliyinə də olsa, bərpa olundu. Belə ki, 1463-cü ildə İsveç birlikdən ayrıldı. I Xristianın İsveç taxtını ələ keçirmək cəhdi isə 1471-ci ildə baş tutan Brunkberq məğlubiyyəti ilə nəticələndi.

1460-cı ildə əmisi Holşteyn qrafı Adolfun ölümündən sonra I Xristian Şlezviq hersoqu və Holşteyn qrafı ünvanlarına da yiyələndi.

1. ↑ Deutsche Nationalbibliothek Record #12939159X // Ümumi tənzimləmə nəzarəti (GND) (alm.). 2012—2016.
2. ↑ Kristian I (швед.). 1917.